Тренерот на Барселона, Чави Хернандез, кој ќе се раздели од клубот по завршувањето на сезоната, им се обрати на навивачите на тимот на својот профил на социјалната мрежа Инстаграм.
„Почитувани фанови, моето време на чело на Барселона ќе заврши в недела. Никогаш не е лесно да го напуштите клубот на вашиот живот, но тоа го правам многу гордо по две и пол години на чело на тимот кој беше како моето второ семејство“, започна Чави.
„Сакам да им се заблагодарам на навивачите за поддршката и љубовта кои секогаш беа покрај мене и секогаш ми ја покажуваа истата љубов како кога бев фудбалер. Од недела ќе бидам друга личност на трибините бидејќи пред да станам фудбалер или тренер, јас сум поддржувач на Барселона и го сакам само најдоброто за клубот кој секогаш ќе ме има на располагање“, напиша шпанскиот стручњак.
„Работев со фантастични играчи и одличен штаб. Благодарение на сите нив ги остваруваме зацртаните цели кои лани завршија со освојување на Ла Лига и Суперкуп. Оваа сезона работите не одеа како што сакавме, но помогнавме да расте нова генерација млади фудбалери од Ла Масија кои не инспирираат сите нас, навивачите на Барселона.
Ви благодарам многу на сите. До навивачите, играчите, персоналот, клупските официјални лица, претседателот, Управниот одбор, спортските директори, медиумите и сите со кои го споделив патувањето во овие две и пол сезони. Му посакувам сѐ најдобро на клубот што го носам во срцето“, заклучи Чави Хернандез.
