Тренерот на Барселона, Чави Хернандез, ги коментираше гласините дека напаѓачот Лионел Меси би можел да се врати во Барселона следната сезона.
„Мислам дека сега не е вистинско време да се зборува за тоа. Лео е мој пријател. Сега сè му одговара во Париз. И сега е задоволен. Барселона е неговиот дом, но немојте повторно да го нервирате. Оставете го на мир да си ја работи работата во ПСЖ“, изјави Чави за „Марка“.
Медиумите во Шпанија објавија дека Барселона сака Меси да се врати во каталонскиот клуб следното лето.
35-годишниот Аргентинец се приклучи на ПСЖ во август 2021 година на слободен трансфер откако му истече договорот со Барселона.
