Тренерот на Барселона, Чави Хернандез изјави дека се согласува со ставовите на претседателот Жоан Лапорта за истрагата на клубот. Според двајцата, тоа е пристрасно и под влијание на Реал Мадрид.
„100% се согласувам со претседателот. Целта е да се дестабилизира Барселона. Премногу се зборува за работи надвор од спортот. Во мое време се зборуваше за допинг и „Вијарато“ (обвинувања дека Барса ја поддржуваат судиите), што го измисли еден мадридски весник. За ова зборува претседателот. Секогаш било така“, изјави Чави.
Тренерот Барселона сподели и дека е изненаден од намалувањето на казната на Начо Фернандез. Дефанзивецот на Реал Мадрид првично беше казнет со три натпревари, но суспензијата беше намалена на два меча и тој ќе може да игра на „Ел Класико“ на 28 октомври.
„Големо изненадување. Минатата сезона на Левандовски не му беше намалена казната од три натпревари поради допирање на носот. Потоа нѐ игнорираа“, изјави Чави.
Барселона ќе се соочи со Атлетик Билбао и менаџерот потврди дека Ламине Јамал, Алехандро Балде, Илкај Гундоган и Роналд Араухо ќе бидат во тимот за пресметката.
Сепак, тој ќе биде без Педри, Френки де Јонг, Роберт Левандовски, Жил Кунде и Серхи Роберто, со надеж дека некои од нив ќе бидат подготвени за дербито против Реал Мадрид.
