
Фудбалерите на Шкупи на „Бакчел арената“ во Баку го одработија официјалниот тренинг пред утрешниот натпревар против Нефчи во првото квалификациско коло за Лигата на Европа.
Тренерот на чаирчани, Мухарем Бајрами по тренингот на тимот уште еднаш ја потенцираше силната желба да се дојде до изненадување, иако Нефчи ја носи фаворитската улога пред пресметката.
„Владее навистина позитивна атмосфера во тимот. По мечот со Беласица, фокусот на тимот е комплетно кон утрешниот натпревар. Максимално сме подготвени, добро го анализиравме противникот. Добро знаеме за квалитетите на Нефчи, и знаеме за големото искуство на овој тим на интернационалната сцена. Нефчи е многу агресивен, динамичен тим кој игра брз фудбал. Јасно е дека е фаворит, но не значи дека сме дојдени во Баку колку само да го одиграме натпреварот… Секако моите играчи ќе дадат се од себе на овој натпревар, бидејќи вакви натпревари се играат еднаш годишно. Може да ветиме максимален ангажман во обидот да дојдеме до следната рунда од Лигата на Европа“ – истакна Бајрами на прес-конференцијата пред азербејџанските медиуми.
Натпреварот меѓу Нефчи и Шкупи утре во Баку се игра со почеток од 18 часот.

-
МАКФУДБАЛ ТИМ НА КОЛОТО ВО ПРВАТА ЛИГА
Силекс и Струга Трим Лум имаат „пет од пет“, но Арсими е најубавата приказна...
Автор makfudbal
-
МАКФУДБАЛ ИГРАЧ на колото: Басиру Компаоре (Струга ТЛ)
Струга ТЛ игра одлично на стартот на сезоната, а вистинска машина за голови е...
Автор makfudbal

Интернационалци
Стефан Ашковски го засили Раднички Ниш

Интернационалци
Бобан Николов се врати во Романија, потпиша за Фарул Констанца
