Англискиот премиерлигаш Арсенал го задржа англискиот репрезентативец Букајо Сака до 2027 година. Тој потпиша нов договор и ќе заработува по 200.000 фунти неделно, со што ќе биде еден од најплатените во тимот на „топчиите“.
„Ова е вистинскиот клуб за мене да продолжам да напредувам во кариерата. Пресреќен сум што ќе продолжам да напредува, и да победувам во мојот омилен дрес. Во Арсенал ги имам сите услови за да станам фудбалер каков што можам да бидам“, изјави Букајо Сака.
Минатата седмица Арсенал го продолжи договорот со Арон Рамсдејл, а претходно нови договори потпишаа и Мартинели и Габриел.
