Брегалница стартуваше со подготовки (ФОТО)

Македонскиот прволигаш Брегалница стартуваше со подготовките за новата сезона 2023/24 во Првата фудбалска лига. Засега ново име во тимот е ангажманот на голманот Мартин Давков кој е повратник меѓу „сините“, а во текот на наредните денови ќе следи промоцијата и на неколку други засилувања.

Штипјани првата фаза од подготовките ќе ја реализираат во Штип и во Пехчево, а потоа ќе следи воигрувањето на тимот и одигрување на пријателски натпревари.

Тренерот Горан Здравков планира тимот да одигра седум пријателски средби преку кои ќе ја темпира формата за стартот на новата сезона.