Фудбалерите на Брегалница одиграа без победник, 1-1, против азербејџанскиот прволигаш Зира на вториот пријателски натпревар на подготовките во Анталија.
Избраниците на Илчо Ѓорѓиоски одлично го почнаа натпреварот и поведоа во петтата минута преку Владимир Дујовски, но противникот израмни со погодокот на Волков во 14. минута.
Во продолжението од првиот дел и низ второто полувреме Брегалница имаше многу повеќе од играта од противникот, имаше неколку шанси за втор погодок преку Мартин Стјановски, Додев, Алтипармаковски и Живуљиќ, но на крајот резултатот остана 1-1.
Следниот пријателски натпревар на Брегалница е на 27. јануари против украинскиот Металист Харков.
