Фудбалерите на Брегалница, под водство на новиот шеф на стручен штаб Илчо Ѓорѓиоски, денеска го одработија првиот тренинг по пристигнувањето во Анталија.
Позитивна енергија, насмевки но максимално работна атмосфера во синиот табор кој во Анталија ќе остане до 30. јануари, а во кој период ќе одигра и пет пријателски натпревари.
Првиот тест дуел за Брегалница е веќе утре против рускиот клуб Кубан Краснодар, со почеток од 15 часот по македонско време. Вториот договорен тест е против азербејџанскиот прволигаш Зира на 24. јануари, а третиот против казахстанскиот Аксу на 27. јануари.
