Брегалница ја освои Струмица, Силекс го одбрани Кратово (ВИДЕО)

Брегалница ја освои Струмица на стартот од новиот шампионат совладувајќи го тимот на Академија Пандев со 1-2. Силекс оствари победа по враќањето во елитата, откако триумфираше против Работнички со 2-0.

„Пандевци“ поведоа во 16. минута со голот на Јоковиќ, кој беше оставен сам на вториот дирек и погодок од близина. Сепак, Брегалница возрати двојно во второто полувреме.

Дарко Додев постигна прекрасен гол во 57.минута и израмни на 1-1, а пет минути подоцна Ристевски, по асистенцијата на капитенот Мојсов, се погрижи за целосен пресврт.

Силекс славеше во Кратово против Работнички со 2-0. Арсим Љамалари со удар со глава донесе водство во 58.минута, а триумфот го завери Филип Стојчевски од пенал во судиското продолжение од натпреварот.

Вчера, Струга ТЛ ја совлада Победа со 3-0.