Браќата Љупче и Ѓорѓе Џеков уште четири години во Силекс

Љупче и Ѓорѓе Џеков ставија потпис на четиригодишен професионален договор со Силекс. Ова е значаен чекор на кратовскиот прволигаш и влог за иднината со задржување на младинските репрезентативци.

Браќата Џеков се членови на Силекс веќе една ипол година, во тој период Љупче застана меѓу стативите на 34 натпревари во Прва МФЛ, додека Ѓорѓе на теренот беше на 27 натпревари.

Љупче Џеков се наметна како еден од најдобрите голмани во Првата лига, а и дефанзивецот покажа завиден квалитет.