Брајтон успеа да го победи Манчестер Сити со 2-1, со пресврт во второто полувреме и му го нанесе вториот пораз по ред на шампионот во Премиер – лигата. Но, тоа е всушност четврти последовен пораз за Пеп Гвардиола и неговиот тим во сите натпреварувања, што му се нема случено откако дојде на „Итихад“.
Ерлинг Халанд донесе водство за Сити со голот во 23.минута, по одличната асистенција на Матео Ковачиќ. Но, Брајтон не се предаде.
Жоао Педро во 78.минута успеа да израмни, а само пет минути подоцна Мет О’Рајли постигна победнички погодок режирајќи го пресвртот за Брајтон.
