Борусија Дортмунд имаше водство од 2-0, пропушти неколку шанси за трет гол, а потоа дозволи Хајденхајм да израмни и да освои историски бод на „Сигнал Идуна парк“, прв во Бундес-лигата.
Џулијан Брант во седмата минута го отвори резултатот, а Емре Џан зголеми на 2-0 од пенал во 15.минута.
„Милионерите“ имаа неколку шанси преку Мален, Але и Брант за трет гол, но потоа Динкчи намали на 2-1. Во 82.минута, по долго прегледување на ВАР снимката, беше досуден пенал за Хајденхајм, а во израмнување го претвори Тим Клејдинст.
