Уругвајскиот интернационалец Луис Суарез, кој сега е слободен агент, би можел да ја продолжи кариерата во германската Бундес – лига, објави „Скај Германија“. Борусија Дортмунд размислува да достави понуда за одличниот голгетер откако замената на Ерлинг Халанд, Себастијан Але, ќе отсуствува одреден период откако му беше дијагностициран рак на тестисите.
Многу тимови ова лето веќе покажаа интерес за 35-годишниот Суарез, а тој засега сака да остане во Европа.
Меѓу кандидатите за него беа или се уште се Милан, Марсеј, Ривер Плата, Јувентус, Астон Вила, Ајакс, Фенербахче и екипи од МЛС – лигата на САД.
