Искусниот италијанскиот дефанзивец Леонардо Бонучи кариерата ќе ја продолжи во германскиот прволигаш Унион Берлин. Тој потпиша едногодишен договор со новиот клуб. Иако играше за двата гиганти од Милано, Милан и Интер, Бонучи најголемиот дел од кариерата го мина во торинскиот Јувентус, со кого освои осум титули во италијанскиот шампионат и двапати стигна до финалето на Лигата на шампионите (2015, 2017).
Бонучи има 121 настап за италијанската репрезентација. Беше член на тимот кој пред две години ја освои титулата европски првак, а пред 11 години европско сребро. Во Унион Берлин пристигна како слободен играч откако му истече договорот со Јувентус. Тоа е неговиот прв неиталијански клуб за кој ќе настапува.
„За мене е посебно што за првпат во кариерата направив чекор во странство. Во Унион имам можност да продолжам да играм на највисоко ниво и со моето искуство да го поддржувам тимот на неговиот пат низ три тешки натпреварувања. Гледам напред кон оваа нова станица во мојата кариера“, изјави Леонардо Бонучи за клупската веб-страница на Унион Берлин.
