Италијанскиот калчолигаш Болоња е сериозно заинтересиран за македонскиот репрезентативец Бојан Миовски, тврдат медиумите во Шкотска. Македонецот е планиран да биде еден вид замена за Џошуа Зиркзе, холандската ѕвезда која ова лето се очекува да направи трансфер во Милан или во Манчестер Јунајтед.
Покрај него, Болоња е на прагот да го продаде и италијанскиот репрезентативец Рикардо Калафиори.
Сепак, понудата на Болоња за Миовски е засега само околу 2 милиони евра и многу отстапува од желбата на Абердин да го продаде за околу 8 милиони евра.
Доколку направи трансфер во Болоња, Бојан Миовски во новата сезона ќе игра и во Лигата на шампионите.
