Болоња имаше предност од 3-0, но Јувентус во финишот на чудесен начин стигна до израмнување. На крајот, дуелот на „Ренато Дал ‘Ара“ заврши 3-3. Тоа беше прв натпревар за „старата дама“ по отказот за Масимилијано Алегри, а тимот го водеше Паоло Монтеро.
На спротивната страна е Тијаго Мота, кој италијанските медиуми го најавуваат како нов иден тренер на Јувентус од следната сезона.
Рикардо Калафиори беше двоен стрелец за Болоња, а погоди и Сантијаго Кастро, па Болоња по неполн час игра имаше предност од 3-0.
Но, Јувентус не потклелна иако преспа поголем дел од мечот. Федерико Киеза во 76.минута го постигна првиот гол, а потоа стрелаа и Аркадиуш Милик во 83.минута и Кенан Јилдиз во 84.минута од мечот.
