Боби Божиновски дојде до „стотка“ во Македонија ЃП, доби подарок од клубот

Македонија Ѓорче Петров прераснува во сериозно организиран клуб кој умее да почитува личности и да посветува внимание на детаљи. Раководството на клубот му подари дрес со посвета на капитенот Боби Божиновски по повод сто одиграни натпревари за Македонија ЃП. 

Во триумфот (2-1) над Пелистер, искусниот Боби Божиновски одбележа голем јубилеј. Тој од 2017 година е во Македонија ЃП, а претходно ги бранеше боите на овој клуб и во 2001 година, како и во сезоната 2014/15.