Бобан Грнчаров ќе биде тренер на Вардар до крајот на сезоната

Најтрофејниот македонски клуб Вардар го именуваше Бобан Грнчаров за вршител на должноста тренер на тимот до крајот на сезоната. Ова откако Никола Глигоров поднесе оставка од функцијата шеф на стручниот штаб по поразот од Гостивар (2-1) во последното коло од Втората лига Запад.

Вардарци имаат големо заостанување зад Воска во битката за втората позиција, но Грнчаров ќе се обиде да направи чудо и да ја „стопи“ разликата до крајот на шампионатот.