Вечерва нѐ очекува вистинска фудбалска битка како за финале во Лигата на шампионите. Ливерпул го пречекува Реал Мадрид во натпревар од петтото коло во групната фаза на турнирот.
Актуелниот европски шампион, Реал Мадрид, ќе му гостува на Ливерпул, кој се наоѓа во одлична форма под водство на тренерот Арне Слот. Ова е дуел на два гиганти, каде што стратегиите на искусниот Карло Анчелоти и амбициозниот Слот ќе бидат во фокусот на вниманието.
Историја на ривалството
Ливерпул, шесткратен европски шампион, во последните години на двапати ја почувствува горчината на поразите од Реал Мадрид во финалето на ЛШ – во 2018 година во Киев и во 2022 година во Париз.
Реал Мадрид, со рекордни 15 титули во Лигата на шампионите, исто така го елиминира Ливерпул во четвртфиналето на сезоната 2020/21.
Форма на тимовите
Ливерпул е единствениот тим оваа сезона во ЛШ со максимални 12 поени од четири натпревари. Тимот доминира и во Премиер – лигата со осум бода предност на врвот.
Реал Мадрид е со променлива форма во ЛШ, со две победи и два порази, и моментално е на 18-то место на табелата.
Состави и проблеми со повреди
Ливерпул: Голманот Алисон и Диого Жота се надвор од составот, додека учеството на Трент Александер-Арнолд е неизвесно.
Реал Мадрид: Одбраната е значително ослабена без Милитао, Алаба и Карвахал, додека Родриго и Винисиус се исто така повредени.
