Вест Бромвич Албион изненадувачки успеа да освои бод (1-1) на гостувањето на „Етихад“, но тоа најверојатно ќе биде и последен меч за Славен Билиќ на кормилото на тимот од Бирмингем. Многумина сметаа дека со ремито Билиќ си купи малку мир во клубот, но раководството на ВБА, според најавите од Островот, смета поинаку.
ВБА планира да го ангажира искусниот Сем Алардајс кој би потпишал договор до крајот на сезоната со мисија да обезбеди опстанок со тимот.
Вест Бромвич Албион се наоѓа на претпоследната позиција на табелата во Премиер – лигата со седум освоени бода од 13 натпревари.
