Шпанскиот прволигаш Бетис е блиску до привлекување на 24-годишниот француски играч за врска Хусем Ауар од Лион. Спортскиот директор на клубот Антонио Кордон в среда ќе отпатува за Франција за да разговара со фудбалерот и се чини дека го убедил да игра за „зелено-белиот“ тим од Севилја.
Ауар доаѓа на инсистирање на тренерот Мануел Пелегрини. Тој посакува нов квалитетен играч во средниот ред со кој тимот би добил на квалитет и би можел во претстојната сезона да конкурира за пласман во Лигата на шампионите.
Бетис минатата сезона ја заврши на петтата позиција на табелата во Ла Лига.
