Најдобриот стрелец Бесарт Ибраими ја напушта Струга Трим Лум. Тоа го потврди и напаѓачот со изјава на социјалните мрежи.
„Почитувани стружани, сакам да ве информирам дека по меѓусебен договор со раководството нема повеќе да бидам дел од Струга Трим Лум, клубот со кој испишавме историја, освојувајќи ја шампионската титула и станувајќи дел од европските натпреварувања. Благодарност до претседателот и сите останати во клубот, за нивната коректност и соработка во текот на двете години колку што бев дел од Струга Трим Љум. Овој клуб засекогаш ќе остане во моето срце“, напиша Ибраими.
Бесарт Ибраими е пред враќање во редовите на Шкендија, каде играше долг период и тим со кој исто така освои шампионски титули.
