Бензема му донесе триумф на Реал на стартот на Ла Лига (ВИДЕО)

Реал Мадрид имаше успешен старт на новата сезона во Ла Лига. „Кралевите“ славеа со 1-4 на гости кај Алавес, а тимот на Карло Анчелоти одигра одлично во второто полувреме. Карим Бензема беше двоен стрелец и најзаслужен за победата на гостите.

Првиот дел беше здодевен и без голови, но затоа фудбалерите на двете екипи надоместија во второто полувреме. Бензема го отвори резултатот во 48.минута на асистенција на Азар, а Начо зголеми а 0-2 во 56.минута. Бензема со својот втор погодок ги разреши дилемите во 62.минута иако само три минути подоцна Хоселу намали од пенал.

Конечниот епилог го постави Винисиус Жуниор во судиското продолжение од мечот.