Капитенот на Реал Мадрид, Карим Бензема, ќе го пропушти саботното гостување на тимот против Хетафе, пренесуваат шпанските медиуми. Напаѓачот не учествуваше на денешниот утрински тренинг и ќе биде одморен за претстојниот натпревар.
Од клубот официјално не ја соопштуваат причината за пропуштениот тренинг, но според информациите се работи за замор на мускулите.
Сепак, се очекува Бензема да биде подготвен за гостувањето на Шахтјор Доњецк во Лигата на шампионите и „Ел Класико“ против Барселона следната недела.
Неодамна 35-годишниот напаѓач отсуствуваше на натпреварите против Мајорка, Лајпциг и Атлетико Мадрид, на кои, сепак, европскиот клупски шампион забележа победи. Тој минатиот викенд се врати на теренот на домашен терен со Осасуна, но промаши пенал и мечот заврши нерешено 1-1.
