Англискиот премиерлигаш Евертон сака да ја засили навалната линија на тимот со Хоакин Кореа, крилниот напаѓач на Лацио. Тој размислува за заминување од „Олимпико“ до крајот на летниот преоден рок, а е во плановите и на Интер, доколку Ромелу Лукаку одлучи да направи трансфер во Челси.
Рафаел Бенитез сака да направи поголема реконструкција во составот на Евертон, а веќе му порача на Хамес Родригез дека нема да смета на него за следната сезона. Евертон е подготвен да плати 25 милиони евра за ангажманот на Хоакин Кореа, а во трката за него се вклучува и Лестер.
