Новата ѕвезда на Реал Мадрид, Џуд Белингам, го исплаши стручниот штаб на Реал Мадрид откако предвреме го напушти денешниот тренинг поради нарушена здравствена состојба. Според информациите, се работи за стомачни проблеми, а не е јасно дали тоа го доведува во прашање играчот за дербито со Атлетико Мадрид в недела навечер.
Ова беше прва активност за „кралевите“ по победата над Унион Берлин со 1-0 во Лигата на шампионите во средата со голот токму на Белингам.
Даниел Карвахал исто така има болки и допрва ќе се одлучува дали ќе се појави на теренот на претстојниот натпревар.
Извесно е дека на линија за мечот со Атлетико ќе бидат Дани Себалјос и Ферланд Менди, но сѐ уште се повредени Тибо Куртоа, Едер Милитао, Винисиус Жуниор и Арда Гулер.
