Македонскиот прволигаш Беласица ги промовираше трите најнови засилувања за пролетниот дел од сезоната. По ангажманот на искусниот стратег Ѓоре Јовановски, доведени се неколку квалитетни засилувања со кои струмичкиот тим ќе се обиде да избори опстанок во елитното друштво.
Бенјамин Демир, Сантос Барбоса Андерсон и Оливер Пеев се засилувањата кои треба да го подигнат квалитетот на тимот на Беласица за пролетниот дел од првенството.
Беласица има скромна бодовна залиха по есенскиот дел од првенството и се наоѓа на последната позиција на табелата со само девет бода.
