Бејл го спаси Велс од пораз против САД (ВИДЕО)

Велс и САД ремизираа (1-1) на стартот од Светското првенство во Катар. Герет Бејл ја спаси својата селекција од пораз откако реализираше пенал во 84.минута од дуелот. Тој самиот го изнуди пеналот, а потоа и знаеше да погоди кога е најважно.

Соединетите Американски Држави беа подобар ривал во првото полувреме. Тоа го валоризираа и со водечки погодок што го постигна Томоти Веа во 36.минута, на асистенција на Кристијан Пулишиќ.