Ситуацијата во која моментално се наоѓа Барселона е резултат на нивните лоши трансфер зделки во последните неколку години, и поради тоа, овој состав на “Каталонците” делува како еден од најслабите во модерната историја на клубот.
Сепак, се чини дека Барса конечно го пребродува лошиот период и ја подобрува својата финансиската состојба, благодарение на неколкуте заминувања ова лето. Доколку дојде до продажба на уште некои фудбалери во јануари, клубот би можел да започе со ангажман на нови играчи.
Поради тоа, Барселона е фокусирана на враќање на Дани Олмо на “Камп Ноу”, и доведување на Рахим Стерлинг од Манчестер Сити. Брзината на Стерлинг и неговата снаодливост може да помогнат многу, а што се однесува до Олмо, тој бил брилијантна опција за играч за врска на теренот пред Мемфис Депај.
