Барселона утре, во вториот натпревар од четвртфиналето на Лига Европа, ќе го пречека Ајнтрахт Франкфурт. По ремито на првиот натпревар во Германија, Чави овојпат ќе може да изведе посилен тим на теренот.
Жерар Пике, Мемфис Депај и Сержињо Дест се вратија на тренинзите. Сите тројца ќе бидат во конкуренција за тимот против Ајнтрахт, додека Ансу Фати допрва ќе треба да го чека неговото враќање иако доби дозвола да тренира со тимот.
Откако Чави пристигна во Барселона, каталонскиот тим игра одлично на теренот и покрај бројните проблеми, а гради добра политика и кога се трансферите во прашање.
