Барселона не ја разгледува можноста да го врати Лионел Меси, пренесува „Мундо Депортиво“. Каталонците немаат можност да го земат Аргентинецот во зимскиот преоден рок без да го нарушат финансискиот фер-плеј. Меси исто така моментално не ја разгледува можноста да се врати во Шпанија.
Претходно имаше информации дека Аргентинецот би можел да се пресели во тим од Саудиска Арабија. Таму можноста е „шеиците“ да го ангажираат напаѓачот во периодот до почетокот на новата сезона во МЛС лигата, по што тој ќе се врати преку Океанот.
Интер Мајами нема да игра во плеј-офот од американското првенство, а Меси долго време нема да има официјални фудбалски натпревари. Поради ова, многу поверојатна е опцијата тој да замине на позајмица во некој клуб од Саудиска Арабија.
