Барселона ќе се обиде да го ангажира дефанзивецот на Арсенал, Вилијам Салиба, доколку Челси го ангажира Жул Кунде од Севилја. Стратегот на каталонците, Чави Хернандез, го стави Французинот како еден од приоритетите на списокот за засилување на одбраната.
Сепак, Кунде е се поблиску до трансфер во Челси. Се верува дека двата клуба договориле трансфер од околу 55 милиони фунти. Се очекува во следните 48 часа да бидат извршени лекарските прегледи и тој да потпише за англискиот клуб.
А доколку се комплетира овој трансфер, Барселона би можела да се насочи кон Салиба.
