Играчот од средниот ред на Баер Леверкузен, Флоријан Вирц, би можел многу брзо да направи голем трансфер и да ја продолжи кариерата во друг клуб, пренесува „Мундо Депортиво“.
За 20-годишниот Германец веќе постои сериозен интерес од неколку гиганти, меѓу кои Барселона и Баерн Минхен. Се очекува двата клуба да наддаваат за младиот талент следното лето.
Сезонава Вирц одигра десет натпревари за „аспирините“, постигна три гола и забележа четири асистенции.
Актуелниот договор на играчот со Баер Леверкузен е до летото 2027 година.
