Каталонскиот гигант Барселона го потврди Франк Кеси како ново засилување. Тој потпиша договор до јуни 2026 година, а Барса го заштити со клаузула за обештетување во висина од 500 милиони евра. Поранешниот член на Милан дојде како слободен играч.
Кеси е роден во Брегот на Слоновата Коска, а од сезоната 2014/15 настапува во италијански клубови. Беше играч на Аталанта, која го испрати на позајмица во Чезена, а подоцна и во Милан.
По позајмицата, Милан потпиша договор со него, а сега го напушта по 223 натпревари и шампионска титула.
