Барселона неочекувано испушти бодови на гостувањето против Гранада и одигра 2-2. Домаќинот е претпоследен на табелата во Ла Лига со само шест бода, но му „скина“ два бода на големиот фаворит.
Брајан Сарагоса постигна два гола во првото полувреме за Гранада, во првата и во 29.минута, а Барселона ја врати надежта со голот на Ламин Јамал во 45.минута.
Во вториот дел, Серхи Роберто постигна гол за израмнување во 86.минута, а во судиското продолжение Жоао Феликс ја затресе мрежата, но голот беше поништен поради офсајд позиција.
