Барселона продолжува со слаби изданија во Ла Лига. Тимот на Роналд Куман ремизираше (1-1) на гости кај Алавес и во моментот има дури осум бода помалку од лидерот Реал Мадрид, иако има и еден одигран меч помалку во шпанското првенство.
Барселона половина час играше со фудбалер повеќе, но не успеа да стигне до триумф. Алавес поведе со голот на Луис Риоха во 31.минута, а израмни Антоан Гризман во 63.минута. Имаа каталонците неколку одлични шанси, но Алавес на голот го имаше расположениот чувар на мрежата Пачеко.
