Барселона сè уште не се откажала од идејата да го привлече крилниот играч на Атлетик Билбао, Нико Вилијамс, но клубот нема да чека до последниот момент за одлуката на 22-годишниот играч.
Според „Мундо Депортиво“, каталонскиот клуб поставил краен рок на играчот до 24 август да одлучи дали сака трансфер или ќе остане во Баскија. Интересно е што токму на тој датум Барселона ќе биде домаќин на Атлетик Билбао.
Трансферот на Нико Вилијамс изгледаше многу веројатен, но во последните денови тој се приклучи на тренинзите на својот сегашен тим и со видео на социјалните мрежи навести дека можеби ќе остане во клубот.
Барселона веќе го привлече Дани Олмо, и ако Нико Вилијамс не дојде, клубот ќе се насочи кон алтернативна опција.
