Барселона на Роналд Куман очајно го стартуваше новото првенство во Ла Лига. По шест одиграни меча, каталонскиот тим освои само осум бода во шпанското првенство. Статистиката е безмилосна и вели дека тоа е најслаб старт на сезоната за Барселона од далечната 2002/03 сезона.
А во таа сезона, Барселона заврши дури на шестото место на табелата на крајот од шампонатот.
Не цветаат рози на „Камп Ноу“. Клубот е во финансиски долгови, преговара со фудбалерите за намалување на платите, а ниту резултатите не се според очекувањата. Барселона во овој момент има огромни осум бода негатива во однос на Реал Мадрид.
