Данска и Словенија одиграа 1-1 во вториот натпревар од денешната програма на ЕВРО 2024.
Бајката на Кристијан Ериксен продолжи да испишува убави страници со голот што го постигна точно 1.100 дена откако колабираше и беше реанимиран на мечот во Копенхаген.
Фудбалерот за врска погоди за водство на Данска во 17.минута, на асистенција на Јонас Винд.
Но, Словенија ја чекаше својата шанса и ја дочека во 77.минута, кога израмни Ерик Јанза.
