Германскиот шампион Баерн Минхен упатил понуда вредна 100 милиони евра за напаѓачот на Тотенхем, Хари Кејн, открива „Билд“.
Според изворот, оваа сума за 29-годишниот Англичанец лично ја побарал првиот човек на клубот, Даниел Леви. Досега лондончани одбија две понуди за својот најдобар стрелец.
Претходно беше објавено дека сопругата на Кејн била забележана во Минхен како бара куќа и училиште за децата.
Во сезоната 2022/23, Хари Кејн настапи на 49 натпревари за Тотенхем, постигнувајќи 32 гола и пет асистенции. Договорот на напаѓачот со клубот истекува следното лето.
