Баерн Минхен е на прагот да комплетира уште еден одличен трансфер, а нов член на баварскиот гигант ќе биде 17-годишниот Французин Матис Тел.
Баерн и Рен денеска го договорија трансферот на овој талентиран тинејџер за нешто помалку од 30 милиони евра со бонуси, а Тел наскоро треба да отпатува за Минхен за да го официјализира трансферот.
Тел веќе ги договорил условите со германскиот шампион. Тој ќе потпише договор на пет години, а иако е уште тинејџер, ќе биде дел од првиот тим и ќе добие шанса да игра под водство на Џулијан Нагелсман.
