Баерн Минхен испрати нова понуда за една од главните цели за летниот трансферен период, Џонатан Тах. Баварците понудиле 20 милиони евра, плус уште 5 милиони во форма на бонуси на Баер Леверкузен, открива „Скај Германија“.
Германскиот репрезентативец е силно посакуван од страна на баварците, а и тој самиот сака да премине на „Алијанц Арена“. Тах има договор уште за една сезона и веќе ги информирал „фармацевтите“ дека нема да го обнови.
Сепак, спортскиот директор на Баер Леверкузен, Симон Ролфес, смета дека новата понуда на Баерн за Џонатан Тах е сè уште прениска. Според Ролфес, сумата што клубот ја бара е пакет од 30 милиони евра (25 милиони загарантирани, плус 5 милиони бонуси).
Преговорите меѓу двата клуба продолжуваат и евидентно е дека зделката сепак ќе биде склучена.
