Германскиот шампион Баерн Минхен е во потрага по нов играч за врска во јануари и се веруваше дека Жоао Палиња би можел да биде нивната желба. Договорот беше многу блиску на крајот од летниот прозорец, откако Португалецот одлета во Баварија на медицински прегледи, но Фулам одби да го продаде бидејќи немаше време да најде замена.
28-годишниот Палиња продолжува да биде движечка сила за Фулам и оваа сезона, можеби мотивиран од изгледите за трансфер.
Сепак, Баерн смета дека Палиња во моментов е прескапа опција, бидејќи лондончани одредиле сума од околу 65 милиони евра.
Од друга страна, Ливерпул исто така се откажува од трката за Палиња, откриваат медиумите на Островот.
Неговиот договор со Фулам е до летото 2028 година.
