Баерн Минхен го совлада големиот ривал Борусија Дортмунд на гости со 2-3 и се одлепи со три бода предност на врвот на табелата во Бундес-лигата во однос на „милионерите“. Во неизвесен меч, домаќинот поведе со голот на Марко Ројс во 45.минута. Но, на полувреме сепак се замина со 1-1. Давид Алаба изведе мајсторија од слободен удар за израмнување.
На стартот на вториот дел, Роберт Левандовски направи пресврт, а Лирој Сане зголеми на 1-3. Неизвесноста ја врати Ерлинг Халанд со голот во 83.минута, но „милионерите“ немаа сили да стигнат до бод.
