Германскиот првак Баерн Минхен му понудил на дефанзивецот на Јувентус, Матијс де Лихт договор до 2027 година. Начелно, раководството на клубот има постигнато устмен договор со Холанѓанецот за трансфер.
Клубот од Минхен сега ја подготвува првата официјална понуда до „бјанконерите“ која се очекува да биде околу 65 милиони евра, плус уште 10 милиони во бонуси.
Ова секако не е сумата која ја очекува Јувентус за продажбата на одличниот стопер. Тој има отштетна клаузула од 120 милиони евра, а во трката за него се наоѓа и англискиот премиерлигаш Челси.
