Баерн Минхен го совлада Фрајбург со 2-1 на „Алијанц арена“ и се зацврсти на врвот на табелата со 36 бода. Европскиот и германски првак поведе со голот на Роберт Левандовски во седмата минута кој реализираше на асистенција на Томас Милер. Тој стана првиот фудбалер во историјата на Бундес-лигата кој постигнал 21 гол на 16 одиграни натпревари.
Фрајбург успеа да израмни преку Нилс Петерсен во 62.минута. Тој успеа да го надмудри Нојер само неколку мигови откако влезе во игра, а Томас Милер не дозволи изненадување и постигна победнички гол за баварскиот тим во 75.минута од мечот.
