Италијанските медиуми шпекулираат дека Баерн Минхен го набележал голманот на ПСЖ, Џанлуиџи Донарума, како потенцијална замена за ветеранот Мануел Нојер.
Донарума не се покажува убедливо во францускиот клуб, и ПСЖ наводно е подготвен за преговори. 25-годишниот чувар на мрежата нема целосна доверба од тренерот Луис Енрике, а шпекулациите велат дека тој нема ништо против промена на средината во 2025 година.
Иако Донарума изјавил дека сонува да ја освои Лигата на шампионите со Пари Сен Жермен, неговата иднина останува неизвесна. Италијанецот е во својата четврта сезона во Париз, а неговиот актуелен договор со ПСЖ истекува во 2026 година.
Во текот на летото, ПСЖ го засили својот голмански состав со Русинот Матвеј Сафонов, за кого се тврди дека има големи шанси наскоро да стане прв избор на голот.
