Баер Леверкузен на најдобар можен начин ја прослави шампионската титула пред своите гледачи. Тимот на Чаби Алонсо го победи Аугрбург со 2-1 и без ниеден пораз во текот на целата сезона стигна до историскиот шампионски пехар. Дополнително, Баер Леверкузен ќе игра во финалето на Лига Европа и во финалето на Купот на Германија.
Бонифејс во 12.минута го отвори резултатот, а Андрих во 27.минута зголеми на 2-0. Мерт Комур во вториот дел го постигна голот за Аугсбург.
Марко Ројс го одигра последниот меч за Борусија Дортмунд и се збогува со гол од„жолтиот ѕид“, а „милионерите“ славеа со 4-0 против Дармштат. Стрелаа и Матсен, Брант и Мален.
Баерн Минхен гостуваше кај Хофенхајм и загуби со 4-2. Штутгарт ја победи Борусија Менхенгладбах со 4-0 и на крајот заврши на втората позиција пред Баерн Минхен.
Македонскиот репрезентативец Елиф Елмас беше стартер за Лајпциг на дуелот против Ајнтрахт Франкфурт (2-2).
Унион Берлин со победата од 2-1 над Фрајбург обезбеди опстанок.
