Баер Леверкузен е несопирлив и во Купот на Германија. „Фармацевтите“ имаа силен отпор од Штутгарт, но на крајот успеаја да слават со 3-2 и се пласираа во полуфиналето на Куп. Тимот на Чаби Алонсо направи пресврт во второто полувреме од овој дуел.
Антон го доведе Штутгарт во водство во 11.минута и гостите заминаа со предност на полувреме.
Во вториот дел, Андрих израмни во 50.минута, но само осум минути подоцна Штутгарт повторно обезбеди предност со голот на Фухрих.
Сепак, Баер Леверкузен имае фуриозен финиш. Адли во 66.минута израмни на 2-2, а Џонатан Тах во 90.минута постигна победнички погодок.
