Германскиот бундеслигаш Баер Леверкузен се раздели со досегашниот тренер Херардо Сеон. По синоќешниот пораз од Порто во ЛШ, раководството одлучи да ја прекине соработката со тренерот кој една и пол година ги водеше „фармацевтите“.
За нов шеф на стручниот штаб е именуван Чаби Алонсо, поранешниот шпански репрезентативец кој во кариерата настапуваше за Реал Мадрид, Ливерпул, Баерн, Реал Сосиедад и за Еибар.
„Го познавам Баер Леверкузен од периодот кога играв во Германија, тоа е одличен клуб. Баер секогаш имал одлични играчи, гледам многу квалитет и во сегашниот тим. Многу сум возбуден поради оваа работа“, изјави Чаби Алонсо.
